"Iwasan Ang Paggamit Ng Malalakas Na Mga Paputok"

Malapit nang gumarahe ang taong 2009 at aarangkada na ang taong 2010. Sa tuwing sasalubungin natin ang bagong taon, hindi maiiwasan ang paggamit ng paputok dahil sa kasiyahang naidudulot nito sa kabataan.

Nakakaalerto na ang bilang ng mga naputukan ngayong buwan ng Disyembre. Ayon sa Department of Health o DOH, aabot na sa halos 250 ang mga kaso ng naputukan sa buong bansa. Dahil dito, nangangamba ang ating leader na si Julianne Rauland Martir, sa ating mga miyembro, dahil alam niyang marami satin ang gagamit ng paputok sa pagsalubong ng bagong taon.

"Alam ko na hindi ko kayo mapipigilan sa paggamit ng paputok. Iwasan na lang natin ang paggamit ng malalakas na paputok tulad ng 5 star, super lolo, pla-pla, goodbye Philippines at marami pang iba. Mas mainam kung gagamit na lang tayo ng 'di gaanong kalakasang mga paputok. Sa mga nasa katinuan, mabuti pang magpatugtog na lang ng napakalakas at gumamit na lang ng torotot", pahayag ni Julianne.

Pinag-iingat din ni Julianne si Anna Rose Santos na nagbebenta ng paputok sa Sta. Maria, Bulacan. Mabuting sundin nila ang payo ng Bureau of Fire Protection o BFP, upang maka-iwas sa sunog.