Julianne Collided To A Motorcycle!!!!!

SH President Julianne Rauland Martir

Sugatan si SH President Julianne Rauland Martir at isa pang lalaki ng magkabanggaan ang kanilang mga motorsiklo sa kahabaan ng J. P. Rizal Ave. sa Makati City kaninang madaling araw.

Bali ang kaliwang balikat at nagtamo ng mga sugat sa tuhod at binti si Julianne matapos sumalpok ang motorsiklo nito, na may plakang 4553NQ sa motorsiklo ng lalaking si Phil Jericho Congzon (XO 2298), residente ng Ilaya St. Brgy. Poblacion ng parehong lungsod. Nangyari ang aksidente, alas-dos ng madaling araw kanina. Kwento ni Julianne, pareho nilang binabagtas ang kahabaan ng J. P. Rizal Ave. ng bigla na lamang umanong huminto ang motorsiklo ni Congzon sa gitna ng daan. Hindi na niya ito naiwasan dahil may papasalubong na kotse sa kabilang linya. May dala din siyang maraming diyaryo dahil nagdedeliver siya ng Philippine Daily Inquirer ng mga oras na iyon. Nagkalat naman sa daan ang kanyang mga diyaryo.

Iba naman ang naging salaysay ni Congzon. Sinabi niya na may humintong jeep sa kanyang unahan kaya siya biglang napahinto. Itinanggi naman ni Julianne na mayroong humintong jeep doon.

"Walang jeep dun. Kung meron man, sana dun kami bumalibag parehas", pahayag ni Julianne.

Nang dumating sa insidente ang mga rumespondeng tanon, napag-alaman na nakainom si Congzon. Dahil hindi gaanong nasaktan, parehong tumanggi ang dalawa na magpadala sa ospital. Dinala na lamang sila sa opisina ni SP02 Jose R. Javier ng Makati City Police Traffic Accident Unit, sa munisipyo ng Makati. Sinabi ni SP02 Javier na bagama't lasing si Congzon, si Julianne pa rin ang may kasalanan dahil siya ang bumangga dito mula sa likuran. Imbes na magsampahan ng kaso, nag-usap na lamang ang dalawang panig. Binayaran na lamang ni Julianne si Congzon ng apat na libo para sa nasira nitong motor at tatlong libo naman para sa nasira nitong pustiso.

Nabahala naman ang mga kasamahan ni Julianne sa Inquirer dahil sa nangyari. Mamaya ay kakausapin siya ng kanilang among si Boy Romanillos.

Kasalukuyang nagpapahinga si Julianne sa kanilang bahay sa Makati City. Aniya, magpapahinga lang siya ng dalawang araw, at mulit na itong babalik sa trabaho upang mabawi ang ginastos niyang pitong libong piso.

"Wala tayong magagawa, it's an accident. Nangyayari talaga iyon especially madaling araw. Ingat na lang siguro sa susunod," sabi ni Julianne.

Alex: Jhomel Is Not Jealous!!!!!

Angelica Aljas

Hindi umano totoo ang lumabas na balita sa SH Online kahapon, na nagseselos si HC Jhomel Santirba sa ginawang halikan nina HC Nico Mikhail Reciproco at Angelica Aljas noong gabi ng December 24 SH Conference, ayon kay HC Alexander Balangan.

Sinabi ni Alexander sa tawag ng SH Online sa kanya kanina, na walang katotohanan ang mga una niyang sinabi kay Nico, sa social networking site na Facebook na galit na galit sa kanya si Jhomel dahil sa halikan nila ni Angelica. Aniya, ayos lang daw kay Jhomel kung ninais ni Angelica ang kanilang halikan ni Reciproco. Wala din daw dapat itong ikaselos dahil hindi naman daw sila, ayon kay Alexander. Sinabi niya na hindi niya alam kung totoo ngang may relasyon sina Jhomel at Angelica. Sa palagay daw niya ay nasa "secret relationship" ang dalawa, dahil palaging concern ang dalaga sa nasabing High Council.

Sinubukang tawagan ng SH Online si Jhomel ngunit hindi ito sumasagot. Hindi pa naman nabibigyan si Nico ng pahayag ukol sa balitang ito dahil  oras ng pagpa-publish ng balita ng SH Online nang sumagot si Alexander sa aming tawag. Hinihingan na rin ng pahayag si Angelica ukol sa isyung ito.

Tension Between Jhomel & Nico Heats Up!!!!!

HC Jhomel Santirba & HC Nico Mikhail Reciproco

Naiinis si HC Jhomel Santirba kay HC Nico Mikhail Reciproco dahil sa pakikipaghalikan ng huli kay Angelica Aljas, noong gabi ng December 24 SH Conference sa loob ng bahay nina HC Alexander Balangan.

Sinabi ni Nico kagabi sa SH Online, sa pamamagitan ng social networking site na Facebook na 'di umano ay galit na galit sa kanya si Jhomel. Si Alexander ang nagsabi sa kanya ng impormasyong ito. Ayon kay Nico, nagalit daw si Jhomel dahil asawa niya na daw si Angelica, isang 3rd year high school student sa San Juan National High School - Cainta, Rizal. Nahuli nina Alexander at pinsan niyang si alyas "Ebron" sina Nico at Angelica na naghahalikan sa kanilang kama, sa loob mismo ng kanilang bahay. Sinabi ni Nico na dala lamang iyon ng matinding kalasingan.

Noong isang araw, nagtext umano si Angelica kay Nico. Sinabi nito na sinigawan siya ni Jhomel dahil sa kanilang halikan, na unang ibinalita ng SH Online noong nakaraang December 26, 2010. Wala umanong nagawa si Angelica dito. Sinabi pa niya na mayroon siyang boyfriend ngunit hindi iyon si Jhomel.

Hindi naman alam ng SH Online kung ano ang estado ng relasyon nina Jhomel at Angelica.

Sinabi naman ni Nico na wala siyang balak agawin si Angelica kay Jhomel.

Julianne Urged Jhomel For SHGC!!!!!

11th Generation of Vongola Members
(up) Jovelito Pastolero, Joenathan Redobante
(down) SHGC Head Jomer Pastolero & SH President
Julianne Rauland Martir

Sa pagpasok ng taong 2011, hinimok ni SH President Julianne Rauland Martir si Straw Hats Grand Chase Division Head Jomer Pastolero na muling buhayin ang dibisyon ng grupo sa casual online game na Grand Chase Philippines.

Nais na ng presidente ng Straw Hats Pirates na muling maging aktibo ang mga dating miyembro ng SHGC, na pinangungunahan ni Jomer. Ito'y dahil na rin sa kagustuhan ni Julianne na gawin ng non-profit humanitarian organization ang Straw Hats Pirates. Sinabi ni Julianne kay Jomer na nais niya ring bumalik at sumali sa SHGC ang mga dating miyembro ng 11th Generation of Vongola Family, sa SHGC. Ang Vongola ang unang grupong bunuo nina Julianne sa Grand Chase noong December 2008. Kabilang dito ay sina Jerald Gasataya, Michael Molina, Joenathan Redobante, Jovelito Pastolero, Aladdin Docot at Noel Payo. Pinapasali din ni Julianne ang mga bagong players sa internet shop ni Rhean Lacanilao, kung saan nabuo ang Vongola.

Binuo nina Julianne, Jomer at Jerald ang SHGC noong Abril nang nakaraang taon upang makilala ang husay ng Straw Hats Pirates sa nasabing online game. Tumigil sa operasyon ang grupo dahil sa kakulangan ng pondo ngunit hindi naman nagsialisan ang mga miyembro nito.

Nais ni Julianne na maging malakas na ang kanilang mga characters bago matapos ang taong 2011.

The Beginning Of Everything, The End Of One Thing!!!!!

HC Rjay Guinto, HC Jhomel Santirba &
HC Nico Mikhail Reciproco

ANALYSIS - hayz, natapos na ang taong 2010 at eto na ang panbago, ang 2011. Kay hirap isipin na kay bilis talgang lumipas ng panahon.

Parang kailan lang nang makilala ko sina Alex at Jhomel sa San Juan National High School at aming binuo ang Straw Hats Pirates. Tapos biglang sumingit si Tom Jhon, tapos si Rjay, hanggang sa dumami kami ng dumami. Naaalala ko pa nung nasa 3rd year high school pa kami, pumupunta muna kami sa internet cafe nila Ate Jhen upang maglaro bago kami pumasok sa school. Palagi ngang naiinis ang chemistry teacher naming si Ma'am Bornilla eh. Every Saturdays and Sundays, madalas kaming tumambay sa bahay nina Jhomel o kaya kila Alex o kaya kila Tom Jhon. Sa videong ginawa nina Tom Jhon at Rjay, ang Ohayou & Memories Remix, na nasa YouTube na, makikita ninyo ang mga pictures namin habang naggigitara kami noon. Mga bata nga ang mga mukha namin dun eh. Salamat kay Alex at naitago niya ang mga pictures na iyon. Napaluha pa ako ng aking mapanood iyon. Nakakaiyak din naman kasi yung tugtog. Madalas din ang aming tampuhan noon. Karamihan mga pambatang problema lang. Mas gusto ko pa nga noon na pumasok kesa tumambay lang sa bahay.

Ngayon, kapag naaalala ko ang mga sandaling iyon, sobrang nalulungkot ako. Mahirap isipin na hindi ko na maibabalik ang bawat sandaling kami'y magkakasama. Iba na talaga ang pakiramdam kapag ikaw nang mag-isa ang bumubuhay sa sarili mo. Puro work na lang ang nasa isip, less time for friends. Ngayon ko nararanasan ang ganitong feeling, sa batang edad ko pa lang.

Ang mga sandaling iyon ay masasabi kong pinakamahalagang bahagi ng buhay ko sa ngayon. Tanging sa ala-ala ko na lang iyon mananatili. Ang mga taong nakilala ko sa III - 6 Yakal ng San Juan National High School ay ang mga taong ituturing kong kaibigan pang-habang buhay.

Sa taong ito, sana ay mas tumatag pa ang samahan natin. Ang taong ito ay ang simula ng pagbabago sa ating mga buhay. Ito rin ang taon kung saan iiwanan ko na ang pagkabata. Maaga kong pinasok ang buhay-trabaho para sa aking mga kaibigan pero nakasisiguro akong hindi ko ito pagsisihan sa huli.

Isang Manigong Bagong Taon sa lahat!!!!!

-Julianne Rauland Martir
Editor-in-Chief
Straw Hats Online

Rjay Said He Only Paused!!!!!

HC Rjay Guinto

Hindi pa umano natatapos ang pagmamahal ni HC Rjay Guinto para kay Marjorie Abutan sa kabila ng "pagbusted" ng huli sa kanya noong nakaraang buwan.

Sinagot ni Rjay ang mga tanong ng SH Online, sa pamamagitan ng social networking site na Facebook. Nagbigay din siya ng kanyang hinaing ukol sa ibinalita ng SH Online noong nakaraang December 28, 2010. Sinabi niya na totoong "binasted" nga siya ni Marjorie. Sa kabila noon, nanatili pa rin daw ang pagmamahal at respeto niya para sa dalaga. Nilinaw niya rin na hindi siya pumunta sa bahay nito sa Taytay, Rizal noong gabi ng December 24 SH Conference. Hindi umano siya pinayagan ng kanyang ama na lumabas ng bahay kaya hindi na siya nakabalik sa inuman. Ayaw na rin umano niya na gumala ngayon. Nais niya muna daw maglaan ng oras para sa kanyang pamilya. Dagdag niya pa, inaasahan na niya na hindi siya magtatagumpay na mapasagot ang dalagang Abutan.

Matatandaan na noong nakaraang buwan, iniulat ng SH Online na tuluyan nang tumigil si Rjay sa panliligaw nito kay Marjorie. Binasted siya nito bago sumapit ang bagong taon. Kuntento na umano si Marjorie sa kanilang pagiging magkaibigan

Julianne: We're Ready For Take Off!!!!!

HC Jhomel Santirba Hopes Good Things For SH This Year

Natapos na ang taong 2010 at sa pagpasok ng taong 2011, panibagong mga suliranin at oportunidad na naman ang haharapin ng grupong Straw Hats Pirates.

Sa pagpasok ng taong 2011, unang layunin ng grupo ay ang makakuha ng komunikasyon kay HC Lolito Almoite na nasa Palawan. Ito'y matapos silang magtagumpay na makausap si HC Lester Quiñanola na nasa Jose Panganiban, Camarines Norte, matapos ang halos isa't kalahating taon. Balak din ni Julianne na baguhin ang pamamahala ng grupo at magkaroon na ng mga batas at sapat na pondo para sa mga proyekto ng grupo. Balak na rin gawing non-profit humanitarian organization ang Straw Hats Pirates upang makatulong sa kapwa-tao.

"This year, priority ko ang maging regular sa Inquirer ng sa ganoon, lumaki na ang kita ko para makatulong na sa mga members ng Straw Hats. Balak ko rin na kuhain na si Alex at Anna, basta they know what I mean. Then kung magkakaroon ng malaking pera, makaipon, papasukin ko na ang business industry," sabi ni Julianne.

Nais umano ni Julianne na makaipon ng pera upang makapagnegosyo. Ang kikitain nun ay para sa mga pangangailangan ng mga miyembro ng grupo.

"Marami na sa mga members natin ang maraming pangangailangan sa kanilang pag-aaral. Nais kong makatulong sa kanila. Maging maswerte sana ang year of the rabbit para sa grupo natin," dagdag pa ni Julianne.