Isang lalaking miyembro ng ating grupo ang nagbahagi ng kanyang problemang pangkalusugan kay High Council Julianne Rauland Martir. Idinadadaing niya ang umano’y pananakit na kanyang kanang tuhod dahil sa dalawang bukol na tumubo sa loob non.
Ayon sa lalaki, araw ng Martes March 30, 2010 ng gabi, nagsimula ng manakit ang kanyang tuhod. Halos hindi na daw siya makatayo sa kirot na naranasan. Nauna niya na raw itong naranasan noong siya’y nasa Grade 6 pa lamang. Sinundan ito nang siya’y nasa 1st year high school na at ang huli ay nitong March 30 hanggang sa kasalukuyan.
Napili niyang kausapin si HC Julianne dahil nagbakasakali siya na may alam ito sa nangyayari sa kanya. Isa pa, ayaw niyang ipaalam sa kanyang mga kaibigan at tanging ang lider lang naten ang nakaka-alam ng tunay niyang katauhan. Ipinakita niya rito ang naturang bukol sa kanyang kanang tuhod. Kinapa-kapa ito ni HC Julianne at kanyang sinukat. Ang malaking bukol ay may sukat na 1.7cm x 0.8cm habang ang maliit na bukol na nasa kanan ng malaking bukol ay may sukat na 0.9cm x 0.7cm. Sinabi ni HC Julianne na isa itong cyst, isang uri ng bukol na tumutubo sa loob ng parte ng ating katawan. Inirekomenda nito na magpakunsolta na siya sa doctor ngunit ayon sa kanya, natatakot siyang malaman ang katotohanan. Hindi pa daw ito alam maging ng kanyang magulang. Bigyan na lamang daw siya ng panahon makapagdesisyon.
No comments:
Post a Comment