Straw Hats For The Coming College Life!!!!!

Natapos na ang high school life para sa ilan nating mga miyembro at ngayong malapit na ang pasukan sa kolehiyo, ano kaya ang mararating ng ating mga miyembro.

Sa mga High Council, isa lamang ang kompirmadong mag-aaral, ito ay si High Council Nico Mikhail Reciproco na nakapasa sa entrance examination sa Far Eastern University sa Sampaloc Manila City. Sa Polytechnic University of the Philippines sa Sta. Mesa Manila naman nagpasyang mag-aral ni Jennylyn Cruz. De La Salle College of Saint Benilde sa Taft Avenue Manila naman ang pinasukan ni Charlene Moldez. Sa Rizal Technological University papasok si Alyssa Faye Limbo at sa STI Cainta naman si SHGC Head Jomer Pastolero.

Pinag-iingat naman ni SH Chairman Julianne Rauland Martir ang ating mga miyembrong papasok sa iba't-ibang unibersidad lalong-lalo na ang mga pang-gabi.

"Ibayong pag-iingat lang ang lagi niyong baunin. Huwag dumaan sa mga 'di mataong lugar lalo na sa madilim. Kung wala nang gagawin after class, umuwi na agad at siyempre, huwag basta-basta magtitiwala sa mga bago ninyong magiging kaibigan 'coz, karamihan sa kanila ay mga miyembro ng mga sindikato at fraternities", paalala ni SH Chairman Julianne.

Dobleng pag-iingat naman ang payo ni SH Chairman Julianne sa mga babae nating miyembro.

"Sa mga babae naman, mag-ingat lalo na 'yung mga pinasukan niyong universities ay nasa Maynila, nagkalat ang mga masasamang elemento diyan. Huwag basta-basta sasama lalong-lalo na sa mga lalaki. Kapag ginabi kayo at feeling niyo takot kayong unuwi mag-isa, i-text niyo lang ako, ako na mismo susundo sa inyo. Hindi lang sa labas ng campuses may mga masasamang elemento, ingat din kayo sa mga manyakis na professors. Gaya ng napanood ko sa Bitag kay Mr. Ben Tulfo, 'yung nangyaring sexual harrassment sa Philippine Maritime Institute kung saan professor ang itinuturong suspek. If there's any case of any sexual harrassment verbal or actual ilapit niyo sa amin, pupuntahan namin mismo ang tanggapan ng inyong paaralan para kausapin sila", huling pahayag ni SH Chairman Julianne.

Nakahanda namang tumulong ang buong Straw Hats Pirates kung nangangailangan kayo ng kahit anong tulong sa inyong pinapasukang unibersidad.