Hindi sinabi ni Kriselle kung ano ang tunay na naging dahilan ng kanilang break up. Tanging sinabi niya lang ay dahil sa "pagkamalandi" ni Jeffrey ang dahilan. Tinanong namin kung mahal niya pa ang binata, oo ang isinagot nito sa SH Online.
Hiningi naman namin ang panig ni Jeffrey. Sinabi niya na masugid niya pa ring nililigawan ang dalaga. mahal na mahal pa rin niya daw ito. Sa pakikipagkwentuhan ng SH Online kay Melendrez sa bahay nina HC Harold Lozano, sinabi niya na 11 months na daw sila ni Kriselle nung mag-break sila. Totoo umanong dahil sa kanyang "kalandian". Pinagselosan umano ng kanyang ex-girlfriend ang isang Alyssa Bano, kaibigan ni Melednrez, matapos silang kakitaan ng closeness.
Sa ngayon daw, tila nagiging mabuti ang kanilang samahan ni Kriselle at mukhang mauuwi sa pagbabalikan.
ukol naman sa paglalayas ni Melendrez sa kanilang bahay, sinabi niya na binugbog daw siya ng kanyang tatay ng walang dahilan. Dahil dito, napilitan na siyang lumayas at pansamantalang naninirahan sa bahay nina Harold. Ayon naman kay Harold, walang problema sa kanilang pamilya kung mananatili sa kanila si Jeffrey. Tumagal na daw ito ng dalawa hanggang tatlong linggo. Plano daw umalis ni Jeffrey dito oras na makahanap na siya ng trabaho.
No comments:
Post a Comment