And The Story Continues!!!!!

SH President JR Martir

COMMENTARY - Halos magdadalawang taon na rin pala, simula ng tumigil sa paglalabas ng balita, ang website nating ito, Straw Hats Pirates Online.

Halos magdadalawang taon na rin ang lumipas ng ako'y maaksidente mula sa motorsiklo, habang nasa trabaho. Doon din nagsimulang mawala sa agos ng panahon ang ating grupo. Naging miserable ang mga sumunod na buwan para sa akin, matapos ang aksidenteng iyon.

Kasabay pa ng pagdamo ng isang karamdaman sa akin, na halos ilang buwan din akong pinahirapan. Nawala ang halos ng lahat sa akin, mga kaibigan at pati na rin ang lovelife.

 Masasabi ko sa aking sarili na ang mga taong 2011 at 2012, ang pinakamadilim na kabanata ng aking buhay, at maging ng Straw Hats, simula ng aking pagkabuhay.

 Ang lovelife, na dapat na tinatamasa ng aking pagkabinata ay kinuha din sa akin, at hindi ko man lang naranasan.

 Sa kabila ng madilim na kabanata na iyon, nanatili pa rin akong nakatayo at hindi sumusuko. Ang kabanatang iyon ng aking buhay ay tuluyan ko nang isinara.

Ngayon, handa na ko sa mga bagong hamon na darating sa aking buhay, kasama ng aking mga kaibigan na alam kong, hanggang sa huli ay hindi ako iiwan.

Sa pagkakataong ito, para sa organisasyon, at sa SH Online, the story continues! -JR Martir Over-all President, Straw Hats Pirates