No Response From Harold After Pablo

High Council Harold Lozano
SH Online Photo

Hindi pa rin sumasagot si High Council Harold Lozano, sa mga tawag ng SH Online sa kanya, matapos tamaan ng Bagyong Pablo, ang kanilang lugar na Surigao City, noong Lunes ng umaga.

Wala pa ring nakukuhang sagot mula kay Lozano, sa lahat ng ipinadalang mensahe sa kanya, sa pamamagitan ng social networking site na Facebook, matapos hagupitin ng Bagyong Pablo ang Surigao City. Taglay nito ang lakas na 125 - 185 kilometres per hour (kph). at direktang naglandfall, sa boundary ng Surigao Del Sur at Davao Oriental.

Typhoon Pablo on Monday Morning
DOST - PAG-ASA

Bagama't karamihan ng mga namatay ay mula sa mga bayan ng Cateel, New Bataan at Baganga sa Davao Oriental, nangangamba pa rin ang mga miyembro ng Straw Hats Pirates sa sitwasyon ni Lozano dahil, apektado rin ang buong Surigao City ng bagyo. Ayon sa Philippine Atmospheric Geophysical and Astronomical Services Administration, umabot sa Signal Number 3 ang warning sa Surigao Del Sur.

Base sa talaan ng National Disaster Risk Reduction and Management Council (NDRRMC), as of December 7, 2012, umabot na sa 456 ang namatay, 445 ang sugatan habang 533 ang kasalukuyang nawawala o hindi pa matagpuan.

Ayon pa sa NDRRMC, as of 10 am ngayong umaga, ang Bagyong Pablo ay nasa layong 540 kilometres (km) kanluran ng Ambulong, Batangas, taglay pa rin ang lakas ng hangin na aabot sa 110 kph at pagbugsong aabot sa 140 kph, at umuusad pa-North-Northwest sa bilis na 7kph.

Sa kabila ng mga ganitong balita, umaasa pa rin ang mga miyembro ng SH na walang masamang nangyari kay Lozano.

New Gang To Established Today Under SH!!!!!

(standing) SH President JR Martir (front)
Gian Barrientos & DJ Mark Ayag
SH Online Photo

Bubuo ngayong araw ng bagong gang, ang ilang miyembro ng Straw Hats Pirates, na hahawakan ng organisasyon at ng grupong Brother Hood Company (BHC).

Magkakasamang bubuuin nina Gian Barrientos, Axel Dam Manuel, DJ Mark Ayag at Jess Lastica, ang nasabing gang, na tatawagin nilang Brother Hood Company Jr. (BHCJr). Ang gang na ito ay ipapahawak nila, kay SH President JR Martir ng Straw Hats Pirates, at kay Romar Barrientos, Leader ng BHC.

Sinabi ng founder ng BHCJr na si Gian, na "nagtitiwala kami sa kakayahan ni Captain (Martir) na mahahawakan ng maayos ang Brother Hood Company Jr.".

Dagdag naman ni Ayag, "itinuturing na nilang parang 'kuya', si Martir dahil sa angking talino nito at magaling sa pag-aadvice".

Mamayang hapon, magsasagawa ang mga miyembro ng BHCJr., ng selebrasyon para sa pagkakatatag ng kanilang gang. Naimbitahan sina Martir, Barrientos at Jomarie Reyes, miyembro rin ng SH, sa nasabing kasiyahan.

Ilan pa sa mga miyembro ng SH na sasali sa BHCJr, ay sina Jayrald Dela Cruz at At Gerolao. Kabilang din si Kobe ng Kabisig Youth Action Team (KYAT) at alyas Michael.

Melendrez Continue To Tell Lies, Says SH Member!!!!!

NEW STAR WITNESS KATE MARIELLE BAYOG (3rd
from the left); former members of SH (from left to right):
Angelica Delos Reyes, Johna Beth Bernabe, Carl Viray,
Aniano Verdijo, Joven Talledo & Jeffrey Melendrez
SH Online Photo

Patuloy umanong nagbibigay ng "kasinungalingan", si dating High Council Jeffrey Melendrez, sa kanyang mga "bagong tinuturuang dancers", ukol sa nangyaring gulo sa Straw Hats Pirates, noong nakaraang buwan, ayon sa isang miyembro ng organisasyon.

Nagbigay ng testimonya sa SH Online, si Kate Marielle Bayog, ukol sa mga "maling impormasyong" ibinibigay ni Melendrez, sa mga bago nitong tinuturuang dancers. Ang mga dancers na ito, sabi ni Bayog, ay mga estudyante ng 2nd year Section 4 at Section 5, ng San Juan National High School, na kanyang tinuturuan para sa dating nilang christmas party sa school.

Ayon kay Bayos, sinabihan daw ang mga dancers na ito ni Melendrez na "hindi naging makatarungan ang SH, sa pagtanggal sa kanya. Mas kinampihan pa daw ng mga ito, sina Rjay (Guinto) at Nico (Reciproco)".

SH President JR Martir: "Let himself ruin his reputation"

Sinabi din daw ni Melendrez na "ipinagkakalat ng SH na, magkasintahan daw sila, ni Mayca (Del Pilar). Masiyado naman daw bata si Mayca para sa kanya".

Dagdag pa ng dating High Council, "nagdala lamang ako ng kutsilyo nung sumugod ako sa HQ, kasi marami sila at baka pagtulungan nila ako".

Sinagot naman ni SH President JR Martir ang mga hinaing ni Melendrez.

"We're gonna start at the first, mahirap atang ipaintindi sa kukote ni Jeffrey eh noh. There is a probable cause to expel him from the organization, for doing such a scandalous act that makes us suffer. Secondly, the issue about Mayca (Del Pilar), I just first heard it from Kate (Bayog). I don't think mayroong nagkakalat na magkarelasyon sila. Nababaliw na ata itong tao na 'to eh. Kung may relasyon man sila, we don't care about it", pahayag ni Martir.

Ayon kay Martir, bahala na si Melendrez na "dumakdak ng dumakdak". Aniya, nakapag-usap na sila ni Melendrez at pinakinggan ang mga hinaing nito. Oras na gumawa siya ng gulo ay agad na aaksyon ang SH, kasama ng iba't ibang grupong kaanib nila.

"My members know what really happened. They know kung sino ang mas katiwa-tiwala sa amin. Jeffrey is ruining his reputation. Marami na kong naririnig na tungkol sa kanya, but we are not publishing in this website. Hayaan mo siyang dumakdak, its only a hearsay. Alam naman ng mga tao kung sino ang mas tama sa amin, I don't need to explain anyway", sabi ni Martir.

Napalayas sina Martir sa inuupahan nilang bahay, na ginawa nilang headquarters ng SH, matapos ang ginawang pag-aamok ni Melendrez, noong madaling araw ng November 12. Kabilang sa mga napalayas ay sina High Councils Guinto, Reciproco, Alex Balangan at Jogie Florece.

Grand X-mas Party Awaits SH!!!!!

Straw Hats Pirates (from left to right): Kate Marielle Bayog, SH President JR
Martir, Diason Demayo, Jomer Naza, Kyerlyn Flores, Nikka Cabanggangan,
Aira Franco, High Council Nico Reciproco, DJ Mark Ayag, Art Gerolao, Jess
Lastica, Jayrald Dela Cruz, Gian Barrientos & Axel Dam Manuel (partly
hidden)
SH Online Photo

Isang mlaking christmas party ang isasagawa nang iba't-ibang youth organizations ng Cainta, sa darating na December 21.

Nagpulong-pulong noong Miyerkules ang mga Presidente, ng iba't-ibang youth clubs sa Cainta, na dinaluhan ni SH President JR Martir, ang pinuno ng Straw Hats Pirates. Pinag-usapan nila ang isasagawang grand christmas party ng mga youth clubs ng bayan, na pinamagatang "Magkasangga! Grand Youth Club Christmas Party". Ito ay sa pangunguna na Barangay Chairman ng Barangay San Juan, na si Wilfredo Felix, na tatakbo sa pagka-alkalde ng bayan, sa darating ng 2013 Election. Kasama rin dito si Engineer Noel Hurtado.

Willy Felix
Idol Ko Si Kap Willy
Felix Facebook Page

Sa kanilang pagpupulong, bumuo sila ng iba't ibang kumite, para sa gawain ng bawat grupo sa Christmas Party. Kabilang sa Committee on Games si Martir, kasama si Jerome Rangis ng Kabisig Youth Action Team (KYAT), at Arianne Flores ng Youth Organization Unified New Generation (YOUNG).

Ang "Magkasangga! Grand Youth Club Christmas Party", ay isasagawa sa Cainta Elementary School, sa December 21, sa ganap na alas-siyete ng gabi.

Para sa ilang detalye, magtext o tumawag sa 09289848821 o magpadala ng mensahe sa pamamagitan ng social networking site na Facebook, www.facebook.com/shinquirer14

Melendrez Still Welcome At SH, But Not As HC!!!!!

former High Council Jeffrey Melendrez: Welcome, But Not
As High Council again.
SH Online Photo

Payag si SH President JR Martir, kung sakaling nais bumalik ni Jeffrey Melendrez sa Straw Hats Pirates, pero hindi bilang High Council.

Ayos lang daw kay Martir kung sakaling muling sasali si Melendrez sa SH, sakaling nais pa ng dating High Council ng grupo, na bumalik. Sinabi ni Martir na, makakabalik siya sa SH pero hindi bilang High Council, kundi isang ordinaryong miyembro na lamang.

"He should fill up the form like the ordinary members do, and to choose sa 11 High Councils kung sino ang hahawak sa kanya", sabi ni Martir.

Maging si High Council Jhomel Santirba, ay sang-ayon din na pabalikin si Melendrez sa organisasyon.

"Tropa pa rin tayo eh, dapat hindi ka na mag-iskandalo ulit", sabi ni Santirba.

Hindi pa naman nakakapagbigay ng pahayag si Melendrez tungkol dito.

Tinanggal mula sa SH si Melendrez, matapos mag-amok noong madaling araw ng November 12, na naging dahilan upang mapalayas, sina SH President JR Martir, sa headquarters ng SH na kanilang inuupahang bahay, kasama nina High Councils Alex Balangan, Rjay Guinto, Nico Reciproco at Jogie Florece. Kabilang sa mga bumoto para mapatalsik siya sa kanyang posisyon, ay sina High Councils Balangan, Guinto, Reciproco, Florece, Santirba, Tom Jhon Morada at Anna Rose Santos.

JR & Melendrez Finally Talked!!!!!

SH President JR Martir & former High Council Jeffrey
Melendrez
SH Online Photo

Matapos ang nangyaring gulo sa Straw Hats Pirates nitong mga nakaraang araw, nagkausap na sa wakas, sina SH President JR Martir at dating SH High Council Jeffrey Melendrez.

Nagka-usap na noong Martes ng gabi sina Martir at Melendrez, sa San Roque St sa San Francisco, na itinuturing nilang kanilang teritoryo, kasama sina High Council Jhomel Santirba, at Leader ng Brother Hood Company, na si Romar Barrientos.

Sa kanilang naging pag-uusap, isiniwalat ni Melendrez na humihingi siya ng dispensa sa ginawa niyang pag-aamok, noong madaling araw ng November 12, na siyang naging dahilan kung bakit napalayas sa kanilang inuupahang bahay, sina Martir, High Councils Alex Balangan, Rjay Guinto, Nico Reciproco at Jogie Florece. Nagawa niya lamang daw ito dahil sa galit niya kina Guinto at Reciproco, dahil sa paulit-ulit na pagtawag sa kanya na "jacker", na ang literal na kahulugan ay magnanakaw. Para sa kanya, napahiya siya sa ginawa ng dalawa, dahil ipinagsisigawan pa daw nila ito, sa Rizal St. ang siyang teritoryo ng SH at BHC.

High Council Nico Reciproco
SH Online Photo

Galit din daw si Melendrez sa ilang miyembro ng SH, kabilang sina Guinto, Reciproco at Seano Suriguo, dahil sa pang-iinsulto nila sa kanyang dance group na 27.7 Angel Squad. Lahat daw ng pinag-uusapan at pangiinsulto ng mga miyembro ng SH ay sinasabi sa kanya, ni Mayca Del Pilar, na naunang napabalita sa SH Online, na siyang nagtatangol kay Melendrez, laban sa mga akusasyon dito. Ani Melendrez, walang karapatan ang SH na insultuhin ang 27.7 Angel Squad.

Dagdag pa ni Melendrez, si Reciproco ang mas lalong nagpapalala ng sitwasyon sa grupo, dahil nag-aangas daw ito. Ayon sa kanya, nagpapadala siya ng text message kay Reciproco, na kinakamusta si Martir, ngunit hindi niya ito ipinararating sa Presidente ng SH. Aniya, inaangasan daw talaga siya ng nasabing High Council, at hinahamin siya ng away.

BHC Leader Romar
Barrientos
from Facebook account
of Romar Barrientos

Naghayag naman ng sama ng loob sina Santirba at Barrientos ukol sa ginawang pag-aamok ni Melendrez. Sinabi ni Santirba na "hindi mo (Melendrez) dapat ginawa iyon dahil apektado ang buhay nina Cap (Martir) at Alex, wala silang matirhan ngayon, hiwa-hiwalay".

Sang-ayon din si Barrientos sa naging pahayag ni Santirba. Dapat daw ay "mayroon pa ring matatambayan ang mga Straw Hats ganon din ang mga Brother Hood".

Humingi na lang ng dispensa si Melendrez para sa lahat ng kanyang ginawa, sa harap nina Martir, Santirba, Barrientos at mga miyebro ng BHC

High Council Jhomel Santirba
SH Online Photo

Nakipag-ugnayan ang BHC sa grupong ESL, upang mapag-usapan nina Martir at Melendrez ang mga alitan sa grupo, na nagkakaroon ng tinatawag na "chain reaction" sa pagitan ng ibang grupo. Nagpapasalamat si Martir sa BHC at ESL, sa kanilang ginawa upang maidaan sa mapayapang usapan ang lahat, bago sila magsimula ng kaguluhan sa San Francisco, na ayaw mangyari ni Barrientos.

"If he (Melendrez) us then, we are ready to have a bullfight with them that night. We are very open for a peace talks and I'm thankful that BHC and ESL is on our side", sabi ni Martir.

'1 Week For Noemie To Respond' - JR!!!!!

High Council Noemie Justado
from Facebook account of Noemie
Justado

Binigyan ng ultimatum ni SH President JR Martir, si High Council Noemie Justado, na sumagot kung nais niya pang mapanatili ang kanyang posisyon, bilang isa sa mga High Councilsng Straw Hats Pirates.

Laleine Reyes: Candidate for next
High Council
from Facebook Account of Laleine
Reyes

Sa pamamagitan ng social networking site na Facebook, nagpadala ng mensahe si Martir, sa Facebook Account ni Justado. Ayon sa sulat, ipinababatid ni Martir, ang responsibilidad ni Justado, bilang isa sa mga High Councils ng SH. Kanyang itinatanong kung nais pa nitong manatiling High Council ng organisasyon. Nais ni Martir na maging aktibo na ang lahat ng mga High Councils ng SH, at humawak ng kanya kanya nilang bataan upang lalo pang mapalawak ang network ng organisasyon. Ito'y lalo na at papalapit na ang 2013 Election, kung saan susuportahan ng SH, ang kandidatura ni Wilfredo Felix at Joe Ferrer, na tatakbong alkalde at bise-alkalde ng bayan ng Cainta. Bukod dito, suportado rin ng SH ang pagtakbo sa Senado, ni Grace Poe-Llamanzares, ang Chairman ng Movie and Television Review Classification Board (MTRCB), at ang mga kasapi ng Liberal Party, ni Pangulong Noynoy Aquino.

SHPirates Guild Leader Noel
Payo: Candidate for HC
SH Online Photo

Halos isang taong hindi nagparamdam si Justado sa SH, matapos kumpirmahing, nanganak na ito nitong taon lamang. Sinabi ng mga taong nakakakilala sa kanya, na kasalukuyan na siyang nakatira sa bahay ng kanyang asawa, sa Greenhills, San Juan City.

Kung hindi sasagot si Justado hanggang Sabado, December 8, 2012, magtatalaga si Martir ng panibagong High Council. Kabilang sa mga napipitik niyang papalit, ay sina SHPirates Grand Chase Guild Leader Noel Payo, Deputy High Council ni Tom Jhon Morada, na si Laleine Reyes at dating SHGC Head Jomer Pastolero.

Patrick On The Hot Seat For A Week!!!!!

Patrick Espelita
SH Online Photo

Naging mainit si Patrick Espelita, sa ilang miyembro ng Straw Hats Pirates, matapos madawit sa ilang isyu.

Sentro ng galit ngayon si Espelita, matapos mapag-alaman na siya ang "star witness", sa ilang isyung kinasangkutan ng ilang miyembro ng SH. Una na rito ay ang isyu, ng madawit ang limang miyembro ng SH, sa paggamit ng ipinagbabawal na gamot na marijuana. Kabilang sa mga salarin ay sina Gian Barrientos, DJ Mark Ayag, Jhero Beriso, Jess Lastica at Jayrald Dela Cerna. Sinabi ni Dela Cerna na si Espelita ang siyang nagsumbong, kay Joan Cruz tungkol sa kanilang illegal na ginawa. Matatandaang si Cruz ang nagkwento sa SH Online, nang paggamit ng marijuana ng mga akusado.

DJ Mark Ayag & Gian Barrientos
SH Online Photo

Maging sa school nilang San Juan National High School, ay gumawa ng ingat si Espelita, matapos maipatawag sa Guidance Office, nang muntik na silang magsuntukan, ni Daison Demayo, miyembro rin ng SH. Nainis si Demayo nang malamang, si Espelita ang siyang nagsumbong, kay dating SH High Council Jeffrey Melendrez, na umano'y babanatan niya ang huli. Itinanggi ni Demayo ang akusasyon, at sinabihang "sinungaling" si Espelita.

Muntik namang banatan nina Dela Cerna at Ayag, si Espelita, dahil sa pagsusumbong na ginawa nito ni Cruz, na sinasabi ni Ayag na napahiya sila sa school ng magsisigaw si Cruz na "tsongke pa". Humingi daw ng tulong si Espelita, sa kuya niyang si Ian, upang protektahan siya sa mga taong babanat sa kanya, sa labas ng SJNHS.

Sa ngayon, naging kalmado na ang magkabilang kampo. Sinabi ni High Council Jogie Florece, na hindi na maaaring pagkatiwalaan si Espelita, dahil maaaring "asset" ito ni Melendrez, na nagbibigay sa dating High Council ng impormasyon, ukol sa aktibidades ng SH.

No EB Was Conducted On November!!!!!

Robert Nerveza (Cortal), Romar Barrientos (Ang-Hell) &
SH President JR Martir (Shinichi)
SH Online Photo

SHP TEXT SOCIETY - Nilinaw ni SH President JR Martir (Shinichi), na walang nangyaring eyeball (EB), para sa Straw Hats Pirates Text Society, nitong nakaraang buwan.

Sinagot ni Martir ang isyung ito, nang may nagbigay ng tip sa SH Online, na ipinagkakalat 'di umano, ni dating High Council Jeffrey Melendrez, na natuloy ang EB ng SHP Text Society, noong November 17. Nagsalita ang taong ito, sa kasunduang, hindi ihahayag sa website na ito ang kanyang katauhan.

Sa pahayag ng taong itatago natin sa pangalang "Lando", sinabi niya na gumawa ng sariling clan si Melendrez, matapos siyang matanggal sa Straw Hats Pirates Organization. Aniya, "sinabihan ni Melendrez ang mga members ng SHP Text Society na natuloy ang EB noong November, na ikinatampo ng iilan dahil, hindi man lang daw sila nasabihan tungkol dito".

Former High Council Jeffrey
Melendrez
From Facebook Account of
Jeffrey Melendrez

Itinanggi ni Martir na walang naganap na EB, para sa SHP Text Society noong nakaraang buwan.

"Paano mangyayari yun ehh napalayas nga kami sa headquarters 'di ba? The clan was in active for a month kasi nga may pinagdadaanan pa kami sa organization and the members should know that", sabi ni Martir.

Sinabi rin ni alyas "Lando", na kaya nagquit sa clan sina Roselle Claudio (Cagalli), at Kim Calibo (Roronoa Zorro), ay dahil sa sinabi ni Melendrez na natuloy ang EB. Nagalit daw sina Claudio at Calibo, dahil "hindi man lang daw ito ipinaalam ni Shinichi sa kanila".

Joan Cruz (Conan): New
Terminator
SH Online Photo

Galit naman ang ilang miyembro ng SHP Text Society sa inihayag ni alyas "Lando". Sinabi ni Romar Barrientos (Ang-Hell), "isa itong aktuwal na paninira sa (text) clan, upang makuha ni Melendrez ang mga miyembro at isali sa kanyang sariling clan".

Ito rin ang naging pahayag ni Robert Nerveza (Cortal). Dapat daw ay "gawan na ang aksyon, ang ginawa ni Melendrez dahil maaaring magpatuloy pa ito sa kanyang gawain."

Sa ngayon, balik na sa normal ang operasyon ng SHP Text Society, matapos ang ilang buwang pananahimik ni Martir, na siya ring founder ng clan.

"I still have my loyal members so there's no need to worry about", sabi ni Martir.

Ilan sa mga natirang miyembro ng text clan ay sina Joan Cruz (Conan), Joy Barro (Killua), Izzy Ballesteros (Blossom) at iba pa. Na-assign naman si Cruz bilang bagong Terminator ng clan, kapalit ni Venus.

SH Attended Parade For Felix!!!!!

Straw Hats Pirates Members on Cainta Fiesta Parade; (from left to right)
SH President JR Martir, Daison Demayo, Jomer Naza, Kate Bayog, Nikka
Cabanggangan, Aira Franco, High Council Nico Mikhail Reciproco, DJ
Mark Ayag, Art Gerulao, Jess Lastica, Jayrald Dela Cerna, Gian Barrientos
& Axel Dam Manuel
from Facebook Account of Jerome Rangis

Nakidalo noong Biyernes ang Straw Hats Pirates, sa ginawang fiesta parade, sa Cainta, ni Wlly Felix, na tatakbong mayor ng nasabing bayan, sa darating na 2013 Election.

Isa ang SH sa mga grupong nagpakita ng suporta, kay Felix, nang magsagawa ito, ng parada, bilang pagbibigay-pugay, sa piyesta ng bayan ng Cainta. Nagsimula ang parada sa Barangay Hall ng Barangay San Juan, tungo sa Simbahan ng Parola. Tapos non, dumiretso sa Barangay Sto. Niño at Barangay Sta. Rosa, pabalik sa Greenland Subdivision, kung saan nakasalubong nila ang mga taga-suporta, ni Atty. Kit Nieto, na isa ring kandidato sa pagka-alkalde ng nasabing bayan. Tapos non, dumiretso sila pabalik sa simbahan, at tinapos ang parada sa Pamahalaang Bayan ng Cainta.

Kabilang sa mga dumalo ay sina SH President JR Martir, mga High Councils na sina Jogie Florce, Nico Reciproco at Jhomel Santirba. Dumalo rin ang mga miyembro ng SH na sina Jomer Naza, Nikka Cabanggangan, Art Gerulao, DJ Mark Ayag, Jess Lastica, Jeriemy Llantino, Jayrald Dela Cerna, Axle Barrientos, Kate Bayog, Kyerlyn Flores at Joan Cruz.

Ilan sa mga grupong dumalo sa parada, kasama ng SH ay ang Youth Organization Unified New Generations (YOUNG), Vanguard Outstanding Youth Achieving for Goals and Success (VOYAGE), Scouts Royale Brotherhood (SRB), Kabisig Youth Action Team (KYAT) at marami pang ib a.

Sinabi ni Martir na mananatiling nakasuporta ang SH, sa pagtakbo ni Felix, at kanyang bise-alkalde na si Joe Ferrer, kasalukuyang Barangay Chairman ng Barangay San Andres.

Demayo Clears His Name Against Melendrez!!!!!

Daison Demayo
SH Online Photo

Nilinaw ng isang miyembro ng Straw Hats Pirates, na si Daison Demayo, na wala siyang kinalaman, sa napabalitang "papabanatan" niya umano, si dating High Council Jeffrey Melendrez.

Sa panayam ng SH Online kay Demayo, sinabi nito na "hindi ko binalak na banatan si Jeffrey." Nilapitan daw umano siya ni Jeffrey, noong November 23, sa San Roque St. ng San Francisco sa Cainta, at itinanong sa kanya na umano'y, kung balak ba nitong banatan si Melendrez.

"Kung babanatan kita, matagal na", ito ang isinagot ni Demayo kay Melendrez.

Nalaman naman ng SH Online na muntik nang magpangabot, sina Demayo at Patrick Espelita, miyembro rin ng SH na hawak ni High Council Jogie Florece, sa school nilang San Juan National High School. Ito'y nang malaman ni Demayo, na si Espelita daw ang "nagsumbong", kay Melendrez na babanatan niya umano, ang dating High Council.

Former High Council Jeffrey
Melendrez
SH Online Photo

Inamin ni Demayo na galit din siya sa ginawang pagwawala ni Melendrez sa dating headquarters nang SH noong madaling araw ng November 12, ngunit, hindi daw ito dahilan upang pabanatan niya ang huli.

Nagalit naman si Demayo sa ginawang paninira sa kanya, ni Espelita, na kanyang kaklase sa SJNHS.

Nauna nang itinanggi ng pamunuan ng SH, na "iniutos" nila sa grupong Brother Hood Company", na banatan si Melendrez.

Mayca Defends Melendrez Against Accusations!!!!!

Mayca Del Pilar
SH Online photo

Ipinagtanggol ng isang miyembro ng Straw Hats Pirates, si dating High Council Jeffrey Melendrez, ukol sa mga akusasyon laban sa kanya.

Pumunta noong gabi ng November 24, si Mayca Del Pilar, sa dating headquarters ng SH, upang makausap, sina SH President JR Martir at High Council Jogie Florece. Ayon kay Del Pilar, kailangang umanong "humingi ng tawad", ni Florece kay Melendrez, dahil sa pagkakatanggal ng huli sa organisasyon. Hindi naman ito pinayagan ni Florece.

"Bakit ako hihingi ng tawad? Mali pa rin si Jeffrey (Melendrez) kasi nagwala siya ng wala sa oras", sabi ni Florece.

Sabi pa ni Del Pilar, kinakailangan daw na "tumanaw ng utang na loob si Jogie, dahil si Jeffrey ang nagpasok sa kanya sa Straw Hats".

Dagdag pa ni Del Pilar, kaya lang naman daw nagwala si Melendrez ay dahil, "galit na galit ito", matapos sabihan, nina High Council Rjay Guinto at High Council Nico Mikhail Reciproco, na siya ay "jacker", na ang kahulugan ay, magnanakaw.

SH President JR Martir & High Council Jogie Florece
SH Online Photo

Pinanindigan naman ni Martir na mali si Melendrez sa kanyang ginawa, at hindi dapat humingi ng dispensa si Florece sa kanya.

"Oo nga mali sina Rjay at Nico sa mga sinabi nila kay Jeff, pero kailangan bang magwala? Because of that, pare-pareho kaming napalayas at impact of it was felt by the members of the SH", sabi ni Martir.

Nagkahiwa-hiwalay na ngayon ang mga nakatira sa dating headquarters ng SH, kabilang sina Martir, Florece, Guinto, Reciproco at High Council Alex Balangan. Hindi na rin makakapag-aral ng kolehiyo si Florece, matapos itigil ng kanyang lolo ang sustento niya, dahil sa nangyaring pag-aamok ni Melendrez, noong madaling araw ng November 12. Ang lolo niyang si Eutiquio Lozano ay nagtatrabaho bilang seaman sa Canada.

Former High Council Jeffrey Melendrez
SH Online Photo

Nagalit din si High Council Harold Lozano (anak ni Eutiquio Lozano), na kasalukuyang nasa Surigao City, sa ginawa ni Melendrez, na nagdulot upang mapalayas ang mga nakatira sa dating headquarters ng SH.

Inamin ni Del Pilar na naiintindihan niya ang nararamdaman ni Melendrez.

"Kahit ako masasaktan nun, kung sasabihan akong jacker", sagot ni Del Pilar.

Itinanggi ni Martir na kinakampihan niya sina Reciproco at Guinto, na ayon kay Del Pilar ay pananaw ni Melendrez.

"Magmumukha lang talagang kinakampihan ko sila kasi sila ang mga kasama ko sa bahay", sagot ni Martir "Pinapakinggan ko si Jeffrey kapag nagpapaliwanag siya. His expulsion from the organization was suggested by High Council Jhomel Santirba, na may personal na galit sa kanya (Melendrez)".

"Kung masakit sa kanya, mas masakit para sa amin dahil kailangang madamay ng buong grupo dahil sa pagwawala niya. Kahit nasaktan ako, nagwala ba ko? Or Jogie? Or Alex? Definitely not. We keep on smiling sa mga bumibisita sa amin. Mayca should know that thing", sabi ni Martir.

5 SH Members Take Weeds At Former HQ!!!!!

Joan Cruz: Star Witness

Limang miyembro ng Straw Hats Pirates ang umaming, gumamit ng ipinagbabawal na gamot, na marijuana, noong Miyerkules ng hapon, sa dating headquarters ng organisasyon.

Umamin sa harap ni SH President JR Martir, ang mga akusadong sina Gian Barrientos, DJ Mark Ayag, Jess Lastica, Jayrald Dela Cerna at Jhero Beriso, na gumamit sila ng marijuana, noong hapon ng Miyerkules, sa loob ng dating headquarters ng SH.

Nabunyag ang isyung ito, nang dahil sa pambubulgar, ng miyembro ng SH na si Joan Cruz, girlfriend ni Beriso.

Ani Cruz, mayroong isang miyembro ng SH na nagsumbong sa kanya, na 'di umanoy gumamit ang mang akusado ng ipinagbabawal na gamot. Agad naman niya itong ipinaalam, sa Presidente ng SH, na si Martir. Nagpatawag naman ang huli ng pagpupulong ukol sa mga sangkot. Sa harap ni Martir, inamin ni Barrientos na "gumamit nga kami, sabi kasi ni Jhero (Beriso) siya na daw bahala samin eh". Pinatotoohanan naman ni Dela Cerna ang testimonya ni Barrientos.

Gian Barrientos

Ayon sa salaysay ni Barrientos, dalawang beses umanong naganap ang sinasabing "paghithit" nila nang marijuana. Noong unang "hithit", tatlo lamang daw sila nina Ayag at Dela Cerna. Noong ikalawa, sina Lastica at Beriso naman daw ang "humithit".

Galit na galit naman si Cruz, sa boyfriend nitong si Beriso, dahil sa ginawa nito. Aniya, nais na niyang tapusin ang halos tatlong buwan nilang relasyon.

"Masakit para sa babae na malamang, nagtsotsongke (marijuana) yung boyfriend mo", sabi ni Cruz.

DJ Mark Ayag

Maging ang bagong girlfriend ni Barrientos, na si Kate Bayog, ay nais na ring makipagbreak, ngunit natatakot itong magsalita.

Hindi naman daw kukunsintihin ni Martir ang ginawa ng lima.

"I told them na huwag gumamit ng marijuana, because their bodies are too young to adapt the effect of it. We will put them under disciplinary actions", sabi ni Martir.

Hindi naman pumayag si Beriso, sa alok ni Cruz na makipaghiwalay sa kanya. Kinagabihan, nag-usap nang masinsinan ang dalawa at napagpasyahan ni Cruz na huwag nang makipagbreak, na ikinatuwa naman ni Beriso.

Jess Lastica

Naghayag naman ng sama ng loob si Ayag kay Cruz, dahil sa ginawa nitong pambubulgar, sa school nila, na San Juan National High School. Sinabi ni Ayag na, isinagawa pa ni Cruz sa kanilang room na "tsongke pa!". Kahihiyan daw ang kanyang inabot kahapon.

Sa ngayon, nangako na ang lima na hindi na nila uulitin ang mali nilang ginawa.

SH: Jeffrey, Not BHC's Target!!!!!

ON THE HOT SEAT AGAIN: Former SH High Council
Jeffrey Melendrez

Itinanggi ng pamunuan ng Straw Hats Pirates, na pinababanatan nila, si dating SH High Council Jeffrey Melendrez, sa grupong Brother Hood Company.

Nagsalita kahapon si SH President JR Martir, na hindi umano siya humingi nang tulong sa BHC, upang pabanatan ang kontrobersyal na High Council.

"I never did that thing. Never in my life. Hindi ko magagawa iyon sa dati kong kaibigan", sabi ni Martir.

Aniya, wala siyang nararamdamang gali kay Melendrez ngayon, kahit pa napalayas sila sa dating headquarters ng SH, dahil sa ginawang pag-aamok ng huli, noong madaling araw ng November 12. Maaaring nakapaglabas lamang siya ng sama ng loob noon.

SH President JR Martir: We're not
involve on that.

"This was happened again. It was back on December 4, 2010, nang nagdesisyon din ang mga High Councils noon na tanggalin siya (sa SH), because of different issues. I refused on that time. I think, this time, the decision of theirs is definitely right", sabi ni Martir.

Aniya, sina High Councils Jhomel Santirba, Nico Reciproco at Rjay Guinto ang may mga personal na galit sa kay Melendrez. Sinabi ni Santirba na matagal na siyang galit kay Melendrez, noong umano'y "ninakaw" nito ang kanyang cellphone charger, na naibalita ng SH Online, noong November 2010. Napatawad na daw siya ni Santirba, kaya lang, nag-init na naman ang kanyang ulo nang nalamang napalayas sina Martir, Reciproco, Guinto at High Council Alex Balangan.

BHC Leader Romar Barrientos:
Shocked

Nagulat naman ang pinuno ng BHC, na si Romar Barrientos, nang malaman ang isyu, na sinabi ng miyembro nilang si Donna, sa SH Online.

"Kung galit man kami sa kanya, personal 'yun dahil nayayabangan kami sa kanya. Kahit sina Jessie at Michael ganon din", sabi ni Barrientos.

Paglilinaw ni Martir, hindi ipinagutos ng SH na banatan si Melendrez sa kahit kaninong grupo o gang.

"Kung mayroon silang personal na galit kay Jeff, it's up to them kung anong gagawin nila. The SH Family are not involve with this matter. Jhomel is also a member of Brother Hood Company, so bahala na sila", sabi ni Martir.

Luis Miguel Backs As President of Shoutout!!!!!

Facebook account of Luis Miguel Montecillo, owned by
SH President JR Martir

Muling hahawakan ni Luis Miguel Montecillo, ang RESPSCI Shoutout, sa kanyang pagbabalik bilang Presidente ng grupo, matapos ang ilang buwan nitong pananahimik.

Si Luis Miguel, ay isang kathang isip na pangalan lamang, sa social networking site na Facebook. Ang account na ito ay pagmamay-ari, ni SH President JR Martir. Gumawa siya ng account sa Facebook at ginamit ang pangalang Luis Miguel Montecillo, nang kanyang ginawa ang RESPSCI Shoutout.

Marami ang natuwa noon sa "kakulitan" at pagiging "madaldal". Ang iba naman ay nahihiwagaan sa tunay na pagkatao nito.

Noong Setyembre ng kasalukuyang taon, inamin ni Martir, na siya ang taong nasa likod, nang katauhan ni Luis Miguel. Pag-amin niya, mahirap gumamit ng dalawang Facebook accounts, dahil ibang-iba sa ugali niya, ang ugali ni Luis Miguel.

"I am using two accounts in Facebook, which is Luis Miguel and my personal account, JR Martir. Mahirap gumamit ng 2 acconts, ang pagkakakilala ng mga RESPSCInians kay Luis is super bait, masarap kausap, maraming alam sa mundo, makulit, madaldal, unlike my personal account JR Martir, masungit pag kinakausap. Hindi nila alam dati, iisang tao lang si JR at Luis Miguel. It's hard na gampanan ang dalawang pagkatao at the very same time", sabi ni Martir.

Marami naman ang natuwa sa pagbabalik ni "Luis Miguel" sa RESPSCI Shoutout. Isa na rito si Maricel Capote. Ayon sa kanya, "natutuwa siya at muling bumalik si Luis na tiyak na mas mabait kesa kay JR".

Sabi naman ni Allen Cayasa, Board Member ng RESPSCI Shoutout, na "sana ay magkaroon ulit ng eyeballs sa pagbabalik ni Luis Miguel".

Inamin ni Martir na nawala si Luis Miguel, mula nung lumayas siya sa kanilang bahay sa Makati City noong August. Wala siyang personal computer nang siya'y pansamantalang nanirahan sa Cainta, sa dating headquarters ng Straw Hats Pirates.

Noong Oktubre, nagkaroon ng pagpupulong ang mga High Councils ng SH, kung bubuwagin na ang RESPSCI Shoutout, o pagpapatuloy pa ito. Sa botong 7 - 4, bumoto ang mga High Councils na 'wag itong buwagin, na ikinatuwa naman ng ibang administrators, kabilang si RESPSCI Shoutout External Advisor Trixie Andrea.

Sa darating na Linggo, babalik na si Martir sa Makati City, at sa kanyang trabaho sa Philippine Daily Inquirer. Kahapon, naglabas nang balita ang SH Online, na gagawin ni Martir ang lahat, upang bumalik ang pagiging aktibo ng RESPSCI Shoutout.

"I leave it all to Luis", sabi ni Martir.

JR, Planning To Go Back To Inquirer!!!!!

SH President JR Martir with Philippine Daily
Inquirer T-shirt

Plano ni SH President JR Martir, na muling bumalik sa dati niyang trabaho, sa Philippine Daily Inquirer, sa kanyang pagbabalik sa Makati City, upang makakuha ng karagdagang income, upang magamit sa mga proyekto ng Straw Hats Pirates.

Nais ni Martir na muling bumalik sa kanyang trabaho sa Inquirer, upang mailaan sa mga aktibidades na gagawin ng SH. Gusto niyang dagdagan ang kanyang income, bagama't pinapadalhan na siya ng budget ng kanyang ama na nasa Doha, Qatar.

Noong nasa Inquirer pa si Martir, nailalaan niya ang kanyang kinikita, sa pagco-conduct ng mga events sa RESPSCI Shoutout (RS), kung saan namimigay siya ng loads at cash prizes. Sa kasalukuyan, natigil na ang mga events sa RS, simula nang lumayas si Martir, sa kanilang bahay sa Makati City.

"I am planning to get back to my work so I can conduct some events for the RESPSCI Shoutout again. Also, for the benefit of the members of SH. Im going back for good", sabi ni Martir.

Dagdag pa ng pinuno ng SH, nais niyang makahanap agad ng panibagong headquarters ng SH, sa lalong madaling panahon, matapos na mapalayas sa dati nilang inuupahang bahay, matapos mag-amok si dating High Council Jeffrey Melendrez noong madaling araw ng November 12.

"Hopefully bumalik sa normal ang lahat, once na nakabalik na ko sa Inquirer", sabi ni Martir.

Triple Romances For 20!!!!!

High Council Harold Lozano & Sarah
Jane Merilles

Dalawang monthsaries ang ipinagdiwang kahapon, ng ilang miyembro ng Straw Hats Pirates, habang sinagot naman si Gian Barrientos ng kanyang nililigawan, at lahat ng iyan sa pare-parehong date na 20.

Nagdiwang kahapon ng ika-labing isa nilang monthsary, sina High Council Harold Lozano, at girlfriend nitong si Sarah Jane Merilles. Dahil kasalukuyang nasa Surigao City si Lozano, binati niya na lamang si Merilles, sa pamamagitan ng social networking site na Facebook. Imposible mang magkita sa ngayon, nangako ang dalawa na mananatiling tapat sila sa isa't-isa.

Clockwise from top left; Gian Barrientos, Kate Bayog,
High Council Jogie Florece & Nikka Cabanggangan

Pang isang taon at limang buwang relasyon naman ang ipinagdiwang kahapon, nina High Council Jogie Florece at Nikka Cabanggangan. 'Di gaya nina Lozano at Merilles, magkasama ang dalawa, sa kanilang monthsary.

Sinagot naman kahapon si Barrientos, nang kanyang nililigawan na si Kate Bayog, dating miyembro ng SH. Sinabi ni Barienttos na handa na siyang magtino, alang-alang sa bago niyang girlfriend.

SHP Text Society Gets Weaker!!!!!

RIN TOHSAKA: Quit Because of
Problems

Unti-unti nang humihina ang Straw Hats Pirates Text Society, matapos na sunod-sunod na magsialisan ang mga dati nitong miyembro.

Ilan sa mga umalis sa text clan, ay sina Marie Feliciano (Rin Tohsaka) at Jhamelou Ballesteros (Buttercup), dahil sa parehong may mga pinagdadaanang problema, at hindi muna maasikaso ang pagiging active sa SHP Text Society.

Sunod-sunod din ang ginawang pagterminate, ng Terminator ng text clan, na si Venus. Kabilang sa kanyang mga tinanggal, ay sina Remark Alcones (Jikun), Ian Espelita (Kentachie), Rechell Martinez (Chao), Christian Penales (Death Kid), Lory Joy Salazar (Haruka), Michaela, Mihawk, Yhuna, Haruhi, Sheshuca at marami pang iba.

BUTTERCUP: Quit

RORONOA ZORRO: Surprisingly
quitted

Umalis na din sa SHP Text Society, si Lhara Abuda, na dating na-link, kay SH President JR Martir. Maging ang mga High Councils ng Straw Hats Pirates ay umalis na rin sa text clan, kabilang sina High Council Anna Rose Santos, High Council Tom Jhon Morada at girlfriend nitong si Laleine Reyes. Pati si dating SH High Council Jeffrey Melendrez ay umalis na rin, matapos siyang tanggalin sa organisasyon.

LUFFY: New Peacemaker

Si Kim Calibo (Roronoa Zorro) ay umalis na rin kahapon ng umaga. Ayon kay Roselle Claudio (Cagalli), sinabihan siya ni Calibo na "hindi lang ang SHP Text Society ang kanyang buhay". Sa tingin naman ni Martir ay may pinagdadaanang problema lamang, si Calibo.

Sa kabila nito, sinabi ni Martir na pananatilihin pa rin ang SHP Text Society, bagama't sunod-sunod na ang mga umalis sa grupo.

CAGALLI: To stay active

"We are currently on a downgrade situation but still, I have the loyal members of the clan, which is my friends in real life. Nandyan si Luffy (John Romar Barrientos), Brook (Robert Nerveza), Cagalli, Conan (Joan Cruz, and so many more", sabi ni Martir.

Sinabi ni Martir na marami lamang inaasikaso sa organisasyon, kaya hindi niya mauna ang SHP Text Society. Una na rito ang paghahanap nila, ng bagong lilipatang bahay, na gagawin nilang bagong headquarters ng SH.

Alex & Anna Soon To Be Parents!!!!!

SH High Councils Alex Balangan & Anna Rose Santos

Matapos ang mahigit apat na taong relasyon, nagbunga na rin sa wakas ang pagmamahalan, nina Straw Hats Pirates High Councils Alexander Balangan at Anna Rose Santos, matapos kumpirmahin ng huli, na siya ay nagdadalantao na.

Kinumpirma ni Santos ang kanyang pagbubuntis, nang pumunta sa dating headquarters ng Straw Hats Pirates, upang ipakita ang naging resulta ng kanyang pregnancy test (PT), kung saan positibo ang naging resulta matapos lumabas ang dalawang linya.

Kapag dalawang line ang lumabas mula sa PT, mula sa sample ng ihi ng babae, kumpirmado na nagdadalantao ito.

Kabado naman si Balangan dahil 'di niya inaasahan na magiging isang ganap na tatay na siya.

"Excited ako na kinakabahan. Pero, tanggap ko kasi bigay 'to sakin ng Diyos", sabi ni Balangan.

Labis na kaligayahan naman ang nararamdaman ni Santos sa kanyang pagbubuntis. Aniya, matagal na niya itong pinapangarap, ang magkaroon ng baby. Katunayan, bumili na siya ng mga damit nito, noon pang nakaraang pang January 2012.

"Excited talaga ako! Sa wakas!", sabi ni Santos.

Tinanong ng SH Online kung ano ang gusto niyang ipangalan, sa magiging anak nila ni Balangan.

"Kung girl, Chelsea Anne. Kung boy 'di ko pa alam eh. Basta gusto ko girl", pagbubunyag ni Santos.

Excited naman ang mga kapwa nila High Council, sa pagbubuntis ni Santos.

"The whole SH family are very glad to hear that. It is a blessing for both Alex and Anna. My wish for my coming inaanak is siyempre good health", sabi ni SH President JR Martir.

"Masaya kami at may baby Straw Hats na kami", sabi ni High Council Rjay Guinto.

"Super excited ako, as in", sabi ni High Council Jhomel Santirba.

Inaasahan namang manganganak si Santos sa darating na June 2013.

Ito na ang ikatlong baby Straw Hats, matapos na manganak sina High Council Noemie Justado at si HC Santirba, ayon sa pagkakasunod.

Charlene, To Replace Melendrez!!!!

Newly appointed High Council Charlene Moldez

Si Charlene Moldez ang papalit sa dating puwesto ni Jeffrey Melendrez, bilang isa sa mga High Councils ng Straw Hats Pirates.

Inaprubahan ni SH President JR Martir, ang pagtalaga kay Moldez, bilang bagong High Council ng organisasyon, na hahalili sa binakanteng puwesto ni Melendrez.

"My daughter Cha Cha (Moldez) is a member of our organization since the year of 2009. I found out tjat, she is a loyal member to us so I think she fits for that position", sabi ni Martir.

Kagaya ng ibang mga High Councils, magkakaroon na rin si Moldez ng karapatang humawak ng mga miyembro. Maaari na rin siyang makaboto sa mga desisyon ng organisasyon, sa mga pagpupulong na ginaganap.

Kabilang sa mga makakasama ni Moldez, sa ikalawang pinakamataas na posisyon ng SH, ay sina Alex Balangan, Jhomel Santirba, Tom Jhon Morada, Rjay Guinto, Nico Reciproco, Lester Quiñanola, Harold Lozano, Anna Rose Santos, Noemie Justado at Jogie Florece.

Si Moldez ay kasalukuyang nag-aaral sa De La Salle College of Saint Benilde, sa kursong Bachelor of Science in Hotel and Restaurant Management Major in Tourism.

Melendrez Ousted From SH!!!!!

Jeffrey Melendrez

Tanggal na si Jeffrey Melendrez, sa Straw Hats Pirates noong Sabado, matapos magdesisyon ang pitong mga High Councils ng organisasyon, na tuluyan na siyang alisin, dahil sa ginawa niyang "iskandalo", noong Lunes ng madaling araw.

Dahil sa ginawang "kahihiyan" ni Melendrez, nagdesisyon na ang pito sa labing-isang High Councils ng SH, na tuluyan na siyang alisin sa grupo. Kabilang sa mga High Councils na bumoto para sa pagtanggal kay Melendrez, ay sina Tom Jhon Morada, Alex Balangan, Anna Rose Santos, Jhomel Santirba, Rjay Guinto, Nico Reciproco at Jogie Florece. Nag-inhibit naman sa pagboto si Lester Quiñanola, habang walang nakuhang sagot mula kina Noemie Justado at Harold Lozano. Kinakailangan lamang ng anim na boto mula sa mga High Councils upang tanggalin ang kapwa nilang nasa puwesto. Inaprubahan ni SH President JR Martir ang desisyon na ito ng mga High Councils.

BALANGAN: Expel

"It is very sad thing to expel my former member and friend but I guess it was the decision of my fellow Pirates, so I have to accept it", sabi ni Martir.

Nagdesisyon ang mga High Councils na tanggalin si Melendrez sa grupo, dahil sa pagwawala nito noong Lunes ng madaling araw, sa headquarters ng SH. Nabulabog ang mga kapitbahay at nagreklamo kay Hazel Beriso, ang in-charge ng bahay na inuupahan ng organisasyon. Dahil sa takot na maulit, nagdesisyon si Beriso na paalisin na lamang ang mga nakatira sa headquarters.

"There is a probable cause to expel Jeffrey. for doing such a scandalous act that has lead para mapalayas kami sa HQ", sabi ni Martir.

MORADA: Expel

Umalis na ang mga nakatira sa headquarters noong Biyernes. Kabilang dito sina Martir, Balangan, Guinto, Reciproco at Florece. Hindi na rin matutuloy ang dapat sanang 2nd Eyeball ng SHP Text Society, na dapat sana'y gaganapin sa headquarters sa November 24, 2012.

"I am apologizing to the members of the SHP Text Society, but we have to cancel our EB. Rest assured that we will fix this immediately, as soon as we find our new headquarters", sabi ni Martir.

Nagquit na rin si Melendrez sa SHP Text Society, kung saan ang codename niya ay "Cloud".

SANTIRBA: Expel

Sa group message na ipinadala ni Melendrez kagabi, nagpasalamat siya sa mga "naging kaibigan niya at mga inaakala niyang kaibigan".

Nalungkot naman ang mga miyembro ng SH sa nangyari, na madalas na pumunta sa headquarters.

Sinabi ni Joan Cruz na "nakakalungkot at wala na silang tatambayan, kung saan masaya ang bawat isa".

Maging ang pinuno ng Brotherhood Company, na si Kong Kong Barrientos, ay nadismaya sa ginawa ni Melendrez.

FLORECE: Expel

"Kung kelan nakahanap kami ng mga tunay na tropa, bigla pang mawawala. Yung dati niyong kaibigan na pinatira niyo diyan, siya pa magiging traydor sa inyo", sabi ni Barrientos sa SH Online.

SANTOS: Expel

Kasamang matatanggal ni Melendrez, ang kanyang mga hawak na miyembro, kabilang dito sina Carl Viray, Aniano Verdijo, Rose Berganio, Joven Talledo, Kate Bayog, Angelica Delos Reyes, Johna Bernabe, Feil Noel Payo, Izzy Ballesteros at Charlene Penales.

Nagpalipat naman si Patrick Espelita kay HC Florece habang si Mayca Del Pilar ay kay HC Morada.

"Salamat pa rin sa kanya, dahil siya pa rin ang naging way para makilala ko ang mga bagong members ng SH", sabi ni Martir.

Papalit naman sa posisyon ni Melendrez, si Charlene Moldez, na naging miyembro ng SH noong 2009. Siya ay kumukuha ng kursong BS HRM Major in Tourism, sa De La Salle - College of Saint Benilde.