Jeffrey - Kriselle Now Getting Stronger!!!!!

Kriselle Anne Dimaala & HC Jeffrey Melendrez

Mukhang tumitibay na ang engaged couples na sina HC Jeffrey Melendrez at girlfriend nitong si Kriselle Anne Dimaala, base sa mga pahayag ng huli sa kanyang mga text messages sa SH Online.

Noong nakaraang araw, kausap ng SH Online si Kriselle sa pamamagitan ng text messages. Sinabi niya na pumunta sila ni Melendrez sa bahay ng mga kamag-anakan nito sa Pasay City. Dinalaw umano nila ang tiyuhin ng binata na may sakit. Naipakilala din daw ni Melendrez sa kanyang mga kamag-anak ang kanyang mapapangasawa.

Kinahapunan ng araw na iyon, nagtungo ang dalawa sa Star City, ng nasabing lungsod. Namasyal sila sa malawak at sikat na amusement park na iyon. Sumakay daw sila sa iba't-ibang rides. Enjoy na enjoy daw sila ng mga sandaling iyon. Bago umuwi, kumain pa sila sa Chowking.

Kung pagbabasehan ng SH Online ang mga text message ni Kriselle, mukhang tumatatag na ang kanilang relasyon. Nauna nang ibinalita ng SH Online ang pagpropose ni Melendrez sa kanyang girlfriend kasabay ng kanilang pagdiriwang nang kanilang unang anibersaryo bilang magkasintahan sa December 27, 2010.