Lester: I Was Cured By Jesus!!!!!

Jesus Christ

Inamin kahapon ni HC Lester Quiñanola na may taning na ang kanyang buhay, ngunit ito'y pinagaling umano nang matindi niyang pananampalataya sa Poong Hesukristo.

Sa pakikipag-usap ng SH Online kahapon kay Lester na kasalukuyang nasa Jose Panganiban, Camarines Norte, inamin niya ang katotohanang nagkaroon ng taning ang kanyang buhay. Totoo umano ang mga sinabi niya sa kanyang sulat kay HC Anna Rose Santos noong December 2008. Hindi nakuha ng Straw Hats Pirates ang orihinal na kopya ng sulat matapos itong matangay noong kasagsagan ng Bagyong Ondoy. Sinabi ni Lester isang sakit sa puso ang taglay niya noong 2008. Sinabi din daw ng isang doktor na anim na taon na lang ang itatagal ng buhay niya.

Isa daw himala ang nangyari sa kanyang pagtira sa Jose Panganiban matapos mawala ang sakit niya. Ayon sa kanya, matinding pananampalataya kay Hesukristo ang dahilan nito.

Sa ngayon, wala na daw ang sakit niya. Sa tulong na rin daw ng tamang pagkain, pag-inom ng gamot at tamang ehersisyo kasabay panalangin sa Diyos, unti-unti na daw nawawala ang sakit niya.

Matatandaang nagulat ang mga High Councils sa ibinalita ng SH Online noong nakaraang December 7, 2010, kung saan sinabing apat na taon na lang ang itatagal niya.

Nagpapasalamat naman ang lahat sa Panginoong Hesukristo dahil walang nangyaring masama kay Lester.