 |
| HC Tom Jhon Morada |
Kanina, sa Brgy. Sto. Niño, Parañaque City, maagang pumunta si Tom Jhon sa bahay ni Kate Ann para itanong kung bakit nais na nitong tapusin ang kanilang relasyon. Nakahilata at natutulog pa ang huli ng kanyang abutan sapagkat galing pa ito mula sa simbahan matapos dumalo sa simbang gabi. Nag-usap nang masinsinan ang dalawa. Halata sa mga mata ni Tom Jhon ang pagmamakaawa. Hindi nito binibitawan ang kamay ng dalaga. Hindi naman sumasagot si Kate Ann at panay lamang ang kanyang ngisi sa tuwing nagiging seryoso ang usapan.
Nalaman kagabi ng SH Online ang impormasyon na nakikipaghiwalay na si Kate Ann kay Tom Jhon, mula sa text messages ni HC Rjay Guinto. Kanina lamang ito nakumpirma.
Hiningi ng SH Online ang pahayag ni Tom Jhon matapos ang naging pag-uusap nila ng kanyang ex-girlfriend. Sinabi niya na ayaw nitong sabihin ang dahilan kung bakit ito nakipaghiwalay sa kanya. Suspetya naman ni HC Anna Rose Santos, maaaring may iba itong karelasyong lalaki kaya ito bumitaw sa relasyon nila ni Tom Jhon. Ayon naman sa binata, hindi niya inaasahang mapapabilang siya sa mga "SMP" o "Samahan ng Malalamig ang Pasko". Wala rin daw siyang naaalala na pinag-awayan nila ni Kate Ann.
Hindi pa nagbibigay ng pahayag ngayon si Kate Ann sa SH Online. Humingi lamang ito nang patawad kay Tom Jhon.
No comments:
Post a Comment