Jomer Got Injuries From A Motorcycle Accident!!!!!

SHGC Head Jomer Pastolero

Sumalpok sa pader ang sinasakyang motorsiklo ni Straw Hats Grand Chase Head Jomer Pastolero at ang kanyang kaibigan, sa isang street sa Country Side Pasig City, malapit sa De Castro Subdivision, kahapon.

Mahapdi at nananakit ang mga braso at hita ni Jomer matapos itong magtamo ng mga sugat at galos habang nakikipagkwentuhan sa SH Online sa pamamagitan ng chatbox ng Facebook account ng Straw Hats Pirates.

Kwento ni Jomer, binabagtas nila ng kaibigan niya at driver ng motorsiklo na si Baldo ang Country Side nang sumabit umano ang side mirror ng motor sa pader. Hindi na nakontrol ng driver ang manibela kaya sumadsad sila sa pader. Mabuti na lamang at mga minor injuries lang ang tinamo ng dalawa. Agad naman silang sinaklolohan ng mga taong bayan. Dumating naman ang kuya ng driver sa pinangyarihan ng aksidente. Tumanggi ang dalawa na magpagamot sa ospital dahil hindi naman daw sila gaanong nasaktan. Hinatid na lamang sila ng kuya ng driver sa kani-kanilang bahay. Papunta dapat sila sa isang kaibigan upang bumisita.

Ayon kay Jomer, hindi pa daw ito alam ng kanyang girlfriend na si Michelle Santos Parada. Balak niyang sabihin ito sa Biyernes.