SH Online Admits Erroneous in Publishing!!!!!

Marjorie Abutan

Inamin ng SH Online na naging mali ang proseso ng pagbabalita kahapon ukol sa balitang balak umano ni HC Rjay Guinto na ligawan si Marjorie Abutan.

Kahapon, nakausap ng editor-in-chief ng SH Online na si SH President Julianne Rauland Martir si Marjorie sa social networking site na Facebook. Sinabi ng dalaga na galit siya sa inilabas na balita kahapon at sa mga pahayag ni Rjay, dahil wala man lang siyang abiso bago isinapubliko ang balita. Inamin naman ni Julianne na naging mali ang paraan ng pagbabalita kahapon. Sinabi nito na maselan ang ibang detalye tungkol sa dalaga.

Nakalagay sa balita kahapon ang balak na panliligaw ni Rjay kay Marjori at ang nakaraan ng dalaga sa pag-ibig.

Dahil sa nangyari, humihingi ng tawad ngayon si Julianne sa dalagang itinuturing niyang anak. Dapat umano ay ipinaalam niya muna kay Marjorie ito bago niya isinapubliko kahapon.

Sa wastong pagbabalita, kinakailangan na makuha ng nagbabalita ang panig ng bawat sangkot sa kontrobersiya.

"I'm very sorry bhaybhie Majho. I hope hindi na maulit ito", sabi ni Julianne.