Kriselle Speaks On Jeffrey's Issues!!!!!

Sa mga panahong ikaw ay binabatikos, laging may handang umalalay sa'yo. Maaaring pamilya, kamag-anak, kaibigan o maging ang kasintahan.

Kaninang umaga, nagbigay ng pahayag sa SH Online ang girlfriend ni HC Jeffrey Melendrez na si Kriselle Anne Dimaala, sa pamamagitan ng text, ukol sa mga isyung kinakaharap ng kontrobersiyal niyang boyfriend.

Nabasa kaninang umaga ni Kriselle ang mga balita tungkol sa kanyang boyfriend na si Jeffrey. Una na rito ay ang pagbabatuhan nila ng masasakit na salita ni HC Nico Mikhail Reciproco sa chatbox ng Facebook account ng Straw Hats Pirates. Nais ni Nic na alisin na si Jeffrey sa grupo. Maging ang mga High Councils na sina HC Anna Rose Santos, HC Jhomel Santirba, HC Rjay Guinto, HC Tom Jhon Morada at HC Alexander Balangan at ang miyembrong si Charlene Moldez ay sumang-ayon dito. Sinabi ni Kriselle na kung ayaw sa kanya ng mga miyembro ng grupo ay mainam na ngang umalis na lamang siya.

Sa commentary ni SH President Julianne Rauland Martir noong nakaraang November 30, 2010, sinabi niya ang mga ugaling kinaiinisan ng mga miyembro ng grupo kay Jeffrey. Sumang-ayon si Kriselle sa mga sinabi ni Julianne. Ayon pa sa kanya, hindi niya rin alam kung bakit niya natitiis ang ganitong ugali ng kanyang boyfriend.

Sinabi naman ni Julianne na wala siyang balak tanggalin si Melendrez sa grupo. Sa ngayon ay hindi pa rin ito nagbibigay ng pahayag ukol sa mga isyung kinasasangkutan niya. Hindi rin siya nagrereply sa mga text messages ng SH Online.